Ymateb i sylwadau’r Ysgrifennydd Cyllid ar arian ar gyfer gofal cymdeithasol i bobl hŷn

Dywedodd Sarah Rochira, Comisiynydd Pobl Hŷn Cymru:

“Mae’n hollbwysig sicrhau cyllid cynaliadwy i’r gwasanaethau cymdeithasol allu darparu’r gofal a’r gefnogaeth a allai fod eu hangen ar bobl wrth iddynt heneiddio, ac rwyf yn croesawu’r ffaith fod Llywodraeth Cymru yn ymchwilio i ffyrdd posibl o godi’r arian pwysig hwn.

“Rwy’n edrych ymlaen at ddarllen y cynigion sy’n cael eu nodi yn yr adroddiad sydd ar y gweill gan Gerry Holtham ynghylch sut gallai system ariannu seiliedig ar yswiriant weithio’n ymarferol. Mae hwn yn ddull a amlygwyd gennyf i fel ffordd bosibl o fwrw ymlaen yn fy nhystiolaeth i Bwyllgor Cyllid y Cynulliad Cenedlaethol, sydd wrthi’n cynnal ei ymchwiliad ei hun i’r mater hwn.

“Fodd bynnag, gan fod yr ymchwil sydd wedi’i chyhoeddi’n ddiweddar yn dangos bod gwariant y gwasanaethau cymdeithasol ar bobl hŷn yn is na’r gwariant ar grwpiau oed eraill erbyn hyn^[1], fe ddylai’r Ysgrifennydd Cyllid ystyried edrych ar drefniadau ariannu’r system gwasanaethau cymdeithasol drwyddi draw, er mwyn gwneud yn siŵr bod unrhyw ddull newydd yn darparu ateb cynaliadwy yn y tymor hir, ac yn sicrhau gofal a chefnogaeth o’r safon uchaf i bawb sydd eu hangen.”