Cynllun Cydraddoldeb Strategol

Cyflwynwyd Dyletswydd Cydraddoldeb y Sector Cyhoeddus gan Ddeddf Cydraddoldeb 2010, a’i nod yw hyrwyddo cydraddoldeb.

O dan Ddyletswydd Cydraddoldeb y Sector Cyhoeddus, roedd y Ddyletswydd Gyffredinol yn mynnu bod cyrff cyhoeddus yn rhoi ‘sylw dyledus’ i’r angen i wneud y canlynol:

• dileu gwahaniaethu, aflonyddu, erledigaeth ac unrhyw ymddygiad arall sydd wedi’i wahardd dan y Ddeddf;
• hyrwyddo cyfleoedd cyfartal rhwng pobl sy’n rhannu nodwedd warchodedig berthnasol a’r rhai nad ydynt yn ei rhannu;
• meithrin cysylltiadau da rhwng pobl sy’n rhannu nodwedd warchodedig berthnasol a’r rhai nad ydynt yn ei rhannu

Yng Nghymru, roedd y rheoliadau yn cyflwyno dyletswydd bellach, sef y Ddyletswydd Benodol. Roedd y ddyletswydd hon yn ei gwneud yn ofynnol i awdurdodau rhestredig, fel Comisiynydd Pobl Hŷn Cymru, lunio a chyhoeddi Cynllun Cydraddoldeb Strategol (y Cynllun) sy’n cynnwys eu Hamcanion Cydraddoldeb.

Cliciwch yma i gael gwybodaeth am ofynion eraill y Ddyletswydd Benodol.

Mae’r Cynllun yn dechrau drwy nodi sut mae gwaith y Comisiynydd yn cael ei lywio gan ymrwymiad i sicrhau cydraddoldeb i bob person hŷn yng Nghymru.  Mae’r Cynllun wedyn yn rhoi manylion rôl a chylch gwaith y Comisiynydd, yn ogystal â’r gwerthoedd sy’n ganolog i waith swyddfa’r Comisiynydd. Mae’r Cynllun yn cynnwys ffeithiau a ffigurau allweddol am bobl hŷn sy’n byw yng Nghymru heddiw, yn seiliedig ar adolygiad o ddata diweddaraf y Cyfrifiad. Cyfeirir at sut yr aeth y Comisiynydd ati i ddatblygu’r Amcanion Cydraddoldeb, ac yna ceir yr Amcanion Cydraddoldeb eu hunain sy’n ffurfio prif gorff y Cynllun. Yn olaf, mae’r Cynllun yn cloi gyda gwybodaeth am sut bydd y Comisiynydd yn monitro, yn gwerthuso ac yn adolygu’r cynnydd tuag at wireddu’r Amcanion Cydraddoldeb, ac yn nodi’n glir ble bydd y Cynllun a’r adroddiadau blynyddol cysylltiedig yn cael eu cyhoeddi.