Gyda’r cynnydd diweddar mewn costau byw, bydd llawer o bobl hŷn yn poeni am siopa bwyd, llenwi eu car â thanwydd a chynhesu eu cartrefi.
Gwyddom hefyd fod llawer o bobl hŷn yn ansicr ynghylch yr hawliau ariannol a allai fod ar gael iddynt, ac i ble y gallant fynd i gael help a gwybodaeth.
Dyna pam mae’r Comisiynydd wedi nodi gwybodaeth ddefnyddiol i ateb rhai o’r cwestiynau allweddol am y cymorth ariannol a allai fod ar gael i bobl hŷn i’w helpu drwy’r cyfnod anodd hwn.
Mae gan Age UK gyfrifiannell budd-daliadau rhad ac am ddim a all roi amcangyfrif o’r taliadau y gallai fod yn ddyledus i chi. Cewch ragor o wybodaeth yma.
Efallai bod gennych hawl i gael hyd at 3 Taliad Costau Byw o £301, £300 a £299 os cewch unrhyw un o’r budd-daliadau neu’r credydau treth canlynol ar ddyddiadau penodol:
• Lwfans Ceisio Gwaith yn seiliedig ar incwm
• Lwfans Cyflogaeth a Chymorth yn seliedig ar incwm
• Cymhorthdal Incwm
• Credyd Pensiwn
• Credyd Cynhwysol
• Credyd Treth Plant
• Credyd Treth GwaithBydd y taliad yn cael ei wneud ar wahân i’ch budd-dal. Os oes gennych gais ar y cyd ar y dyddiadau cymhwyso, bydd taliad sengl o £301, £300 a £299 yn cael ei anfon gan ddefnyddio’r un dull talu a ddefnyddir rhwng y dyddiadau hyn, os ydych yn gymwys.
Darganfyddwch fwy yma: https://www.gov.uk/guidance/cost-of-living-payment.cy
Mae gan Age UK gyfrifiannell ddefnyddiol sy’n rhoi amcangyfrif o’r cymorth ariannol y gallech fod â hawl iddo.
I ddefnyddio’r gyfrifiannell, bydd angen i chi fod â gwybodaeth am eich pensiynau, incwm a chynilion.
Mae'r Gronfa Cymorth Dewisol yn rhoi grantiau i bobl sydd naill ai angen cymorth i fyw'n annibynnol, a elwir yn Daliad Cymorth i Unigolion neu i bobl sydd wedi wynebu argyfwng neu drychineb, a elwir yn Daliad Cymorth mewn Argyfwng. Nid oes angen talu’r grantiau’n ôl.
Gallwch gysylltu â’ch gwasanaeth Cyngor ar Bopeth lleol neu ffonio Advicelink Cymru am ddim ar eu llinell gymorth 0800 702 2020 i gael help i wneud cais am grant.
Darganfod mwy yma: https://www.llyw.cymru/cronfa-cymorth-dewisol-daf
Cysylltwch â’ch Gwasanaeth Gofal a Thrwsio Cymru lleol ar 0300 111 3333.
Mae Gofal a Thrwsio Cymru yn rhedeg prosiect o’r enw 70+ Cymru sy’n ceisio gwella cynhesrwydd, cysur ac ansawdd bywyd pobl hŷn yng Nghymru. Gall Swyddogion Ynni yn y Cartref ymweld â chi a gweithio gyda chi i ddod o hyd i ffyrdd o gadw eich cartref yn ddiogel ac yn gynnes. Efallai y byddan nhw hyd yn oed yn gallu eich cyfeirio at raglen Nyth Llywodraeth Cymru i gael rhagor o gymorth a chefnogaeth os ydych chi’n bodloni’r meini prawf cymhwysedd.
Dylech, fe ddylech chi wirio a ydych chi’n gymwys.
Gall Credyd Pensiwn ychwanegu at incwm person i isafswm o £201.05 yr wythnos ar gyfer pensiynwyr sengl ac i £306.85 ar gyfer cyplau. Gall hefyd sicrhau mynediad at amrywiaeth o hawliau eraill fel help gyda chostau tai, y dreth gyngor, biliau gwresogi ac, ar gyfer y rheini sy’n 75 oed neu’n hŷn, trwydded deledu am ddim.
Siaradwch â chynghorydd yn Advicelink Cymru ar eu llinell gymorth Hawliwch yr Hyn sy’n Ddyledus i Chi am ddim ar 0808 250 5700. Gallant eich helpu i weld beth mae gennych hawl iddo a hyd yn oed drefnu i chi gael help i lenwi unrhyw hawliadau.
Fodd bynnag, gallwch hefyd ffonio Llinell Hawlio Credyd Pensiwn yn uniongyrchol ar 0800 99 1234 neu wneud cais ar-lein yn Credyd Pensiwn: Sut i hawlio - GOV.UK (www.gov.uk).
Cyngor a Chymorth
Cysylltwch â thîm Cyngor a Chymorth y Comisiynydd
Cysylltwch
